Во изјава за медиумите Борисов прашува и дали Петков на средбата со претседателот Стево Пендаровски и останатите политички лидери разговарал за македонско малцинство во Бугарија.Исто така, лидерот на ГЕРБ го критикувал бугарскиот премиер дека е првиот државник што доаѓа во Северна Македонија, а не оди да положи цвеќе на гробот на Гоце Делчев
Изминатата ноќ за првпат спиев мирни бидејќи вчера дознав дека братскиот народ на Северна Македонија нема да ја нападне Бугарија со донираните тенкови и нема да има територијални претензии. Нема да ни го земат Банско.
Ова е дел од изјавата со која поранешниот бугарски премиер, а сега лидер на опозициската ГЕРБ, Бојко Борисов, ја коментираше вчерашната посета на Кирил Петков на Скопје, за време на која со македонскиот премиер Димитар Ковачевски објавија дека Северна Македонија испратила нота до Обединетите нации (ОН) дека краткото и долгото име на државата значат исто и земјава нема „какви било импликации врз територијалниот интегритет на Бугарија“.
Во изјава за медиумите Борисов прашал и дали Петков на средбата со претседателот Стево Пендаровски и останатите политички лидери разговарал за македонско малцинство во Бугарија.
„Нашиот Устав јасно кажува дека сите бугарски граѓани се еднакви“,
вели Борисов.
Исто така, лидерот на ГЕРБ го критикувал бугарскиот премиер дека е првиот државник што доаѓа во Северна Македонија, а не оди да положи цвеќе на гробот на Гоце Делчев.
Во коментарот за вчерашната посета, Борисов вели и дека Ковачевски лукаво успеал да го зароби Петков во стапица да зборува за фашизам.
„Нивниот премиер макар и на еден ден, успеа да го зароби нашиот да зборува за фашистите. Ова не е за потценување, многу лукаво го зароби“,
коментира Борисов според кого, влегувајќи го стапицата за фашизмот, Бугарија се откажува од повигот на бугарскиот народ да му се спротивстави на Хитлер за спасените над 50 000 бугарски Евреи.