ДУИ останува на ставот дека во моментот не треба да се намали бројот на вработени во целата јавна администрација, особено по првичниот предлог сите да добиваат минимална плата.
Ова го изјави министерот Крешник Бектеши одговарајќи на новинарско прашање од позиција на претставник на ДУИ и посочи дека неговата партија е против минимална плата за јавната администрација.
„ДУИ е конзистентна во својата политика и донесува одлуки врз основа на детални анализи во склоп на расходите и приходите во буџетот. И во име на ДУИ и како министер за економија, сметам дека не е време за вакви одлуки, засновајќи ги истите на последниот ребаланс што го усвоивме како влада. Со сигурност сме против предлогот целата администрација да оди на минималец. Ги следиме околностите во буџетот и со сигурност, кога ќе сметаме дека треба да се усвои некоја мерка за можно кратење, ќе ја информираме јавноста. Базирајќи се врз податоци, сметаме дека нема потреба да се крати платата во јавната администрација“,
рече Бектеши.
Бектеши истакна дека Владата усвоила мини ребаланс, за буџетот да биде ликвиден, но, и државата да биде во можност да ги исплати платите во јавната администрација, пензиите и социјалните трансфери на буџетот.