ЈСП соопшти дека утре (17 април) јавниот превоз ќе се одвива во две смени, од 5 до 9 часот, па од 13 до 16 часот, но по неделен возен ред.
Дежурни утре ќе бидат две билетарници и еден центар за персонализација, и тоа од 7:30 до 14 часот ќе работат билетарниците на Зелено пазарче и во Ѓорче Петров, а во истиот период отворен ќе биде и центарот за персонализација кај Транспортниот центар.
Услугите на ЈСП „Скопје“ можат да се купат и во над сто трафики и маркети, дел од секундарната продажна мрежа на ЈСП „Скопје“.
Согласно одлуката на Владата за забрана на движење на сите граѓани во период од 16 часот во петок, па до 5 часот во вторник (21 април), јавниот превоз нема да функционира. Во тој период затворени ќе бидат сите билетарници и центри за персонализација на ЈСП „Скопје“, соопштија од Јавното претпријатие.