Во низата смени на челните позиции во јавните градски претпријатија по доаѓањето на новата градоначалничка Данела Арсовска, се запиша и ЈП „Паркови и зеленило“.
За нов в.д. директор на ова претпријатие е назначен Ангеле Сотировски, кој доаѓа на местото на досегашниот директор Ардијан Муча, по спогодбен престанок на функцијата.
„Ангеле Сотировски е дипломиран економист со повеќегодишно работно искуство во Јавното Претпријатие ’Паркови и зеленило‘, каде е вработен од 2009 година“,
соопштија од Град Скопје.
Изминативе денови Арсовка назначи нови в.д. директори и на: „Дрисла“ – Јане Мицевски; „Лајка“ – Воислав Димитровски; ЈСП – Иван Илиевски; „Улици и патишта“ – Борис Настов; Зоолошката градина Скопје – Кристијан Стаменов.
- „Метла“ во „Дрисла“: Арсовска назначи нов в.д. директор
- Арсовска ја разреши Петрушевска и назначи нов в.д. директор на ЈП „Лајка“
- Ветувањето за бесплатен превоз ќе треба да го реализира друг директор на ЈСП, Арсовска го разреши и Чушков
- Борис Настов нов в.д. директор на ЈП „Улици и патишта“ Скопје
- Арсовска го назначи Кристијан Стаменов за нов в.д. директор на скопската Зоолошка