Антикорупциската комисија одлучи да проверува како се трошат донациите кои се даваат во време на епидемијата со коронавирусот.
„Врз база на добиени сознанија од медиумите за значителен прилив на странска и домашна помош (донации) за времетраењето на вонредната состојба, како што и претходно беше информирано, ДКСК одлучи да преземе конкретни дејствија во насока на прибирање на релевантни информации за начинот на кој се користи доделената странска и домашна помош“,
соопштија од Антикорупциска по денешната одржана седница.
Исто така, Комисијата одлучила да оформи предмет по сопствена иницијатива за испитување на нерегистрирани средства за дезинфекција кои се нашле во употреба.