Во анкетата на Институтот за политички истражувања, чиј програмски директор е Владимир Божиновски, на прашањето во кој политичар имаат најголема доверба, 13,5 отсто од анкетираните се определиле за Христијан Мицкоски, 5 отсто за Димитар Ковачевски, 2,8 отсто за Стево Пендаровски,1,5 отсто за Зоран Заев, а 6,6 проценти за Али Ахмети
Доколку следната недела има избори, 20 отсто од гласачите би се определиле за ВМРО-ДПМНЕ, 12,9 отсто би го поддржале СДСМ, а 6,5 отсто гласот би го дале за ДУИ.
За Алијанса за Албанците би гласале 2,6 отсто, за Левица 3,3, понатаму, 2,3 отсто за БЕСА и 1,4% за Алтернатива.
За ниту една партија не би гласале 18,3 проценти од испитаниците, не сакале да кажат 14,6, а одговор немале 14,7 отсто.
Ова е едно од прашањата во телефонското истражување што за сопствени потреби го спровел Институтот за политички истражувања од Скопје (ИПИС) во периодот помеѓу 23 и 26 мај 2023 на 1 112 полнолетни испитаници на ниво на Република Северна Македонија, пренесуваат повеќе медиуми.
На прашањето – во кој политичар имаат најголема доверба, 13,5 отсто од анкетираните се определиле за Христијан Мицкоски, 5 отсто за Димитар Ковачевски, 2,8 отсто за Стево Пендаровски, 1,5 отсто за Зоран Заев, 6,6 проценти за Али Ахмети.
Од анкетираните – 1,1% му веруваат на Зијадин Села, 3% на Димитар Апасиев, 2,2 отсто во Билал Касами, 1,3 отсто на Африм Гаши, 3,7% на Максим Димитриевски, а 2,3 процентни поени на Никола Груевски.
Дури 39,7 отсто од анкетираните одговориле дека немаат доверба во ниту еден политичар, не знаеле да одговорат 12,1% отсто, а 3,4 проценти се изјасниле за друг.
Едно од прашањата во анкетата било и дали го поддржувате или сте против договорот со „Бехтел и Енка“ во сегашната форма како што беше потпишан од страна на Владата? Притоа, 45,1 отсто рекле дека се против договорот за изградба на автопатските делници, 24,8 го поддржуваат, а 30,1 отсто не одговориле.
Кога одговорите на испитаниците ќе се разложат според етничката припадност на анкетираните, договорот на Владата со американско-турскиот конзорциум „Бехтел и Енка“ ужива поголема поддршка кај испитаниците Албанци.
Од СДСМ обвинувааат дека анкетата на ИПИС е лажна.