Несогласувањата околу ова прашање доаѓаат во време кога иницијативата за решавање на конфликтот, кој повеќе од една и пол година ја блокира македонската (а поради тоа и албанската) европска интеграција. Причината е што во последните месеци позициите на двете земји се приближија, а најтешкото прашање за двете страни (како што покажува тензијата околу посетата на Петков на Битола) е како да го претстават договорот на прифатлив начин без да предизвикаат политички бура, пишува „Дневник“ во анализата под наслов „Ќе има ли избори“
Според неименуван соговорник на „Дневник“ од Софија, има два главни проблема за постигнување договор, поради што „се доведува во прашање можноста за постигнување договор пред крајот на француското претседателство со Советот на ЕУ (крајот на јуни), на што се надеваа Скопје, Брисел и Париз“
Најконтроверзна тема во владината коалицијата во Бугарија во оваа фаза, се чини, е ветото кон Северна Македонија за почеток на преговорите за пристапување во ЕУ.
Бугарски „Дневник“ во анализата под наслов „Ќе има ли избори“ се повикува на изјави на претставници на коалицијата кои велат дека се договориле да престанат јавните напади врз премиерот Кирил Петков на оваа тема и дека пред да зборуваат за рокови за укинувањето на ветото ќе се обединеле околу позициите.
Според изворите на бугарскиот медиуми, владата ќе предложи механизам Бугарија да ги претстави своите конкретни барања до Северна Македонија, како и распоред за тоа кога се очекува да бидат исполнети, а идејата е да се следи усогласеноста со Европската комисија.
„Несогласувањата околу ова прашање доаѓаат во време кога иницијативата за решавање на конфликтот, кој повеќе од година и пол ја блокира македонската (а поради тоа и албанската) европска интеграција. Причината е што во последните месеци позициите на двете земји се приближија, а најтешкото прашање за двете страни (како што покажува тензијата околу посетата на Петков на Битола) е како да го претстават договорот на прифатлив начин без да предизвикаат политички бура“,
пишува „Дневник“.
Според „Дневник“, нема суштински разлики меѓу Софија и Скопје за идниот договор, но неговото финализирање во моментов не е на дневен ред поради несогласувањата во бугарската влада.
Централно место во овој договор е прашањето за вклучување на Бугарите во македонскиот Устав на рамноправна основа со Албанците, Турците, Ромите, Бошњаците и Власите.
Според соговорниците на кои се повикува „Дневник“, Бугарија би била подготвена да се откаже од ветото на денот кога ќе почне процедурата, а сака гаранции од Брисел дека во преговарачката рамка за Северна Македонија ќе се гарантираат правата на Бугарите.
„Ова би го направило нивното додавање во македонскиот Устав де факто услов за членство“,
се наведува во текстот на Дневник.бг.
Бугарскиот медиум потоа ја објаснува процедурата за промена на Уставот, односно дека за тоа ќе биде потребно двотретинско мнозинство во македонскиот парламент (и гласови од опозицијата), со потсетување дека ВМРО-ДПМНЕ бара признавање на, како што стои во наводници, „македонското малцинство“ за возврат.
Но, во текстот се наведува дека не е невозможно да се случи промена на ставот на ВМРО-ДПМНЕ и се потсетува дека пред три години „партијата поддржа промена на името во парламентот, иако водеше многу поголемо протестно движење против договорот со Грција, отколку што некогаш организираше такво нешто против бугарската вето“.
„Дневник“ понатаму ги анализира и четирите политички услови, како што вели, кои се неисполнети од пакетот 5 + 1 и потсетува дека еден од петте беше исполнет од македонска страна во јануари.
Овие барања во пакетот вклучуваат теми како што се надминување на говорот на омраза, работата на заедничката историска комисија, рехабилитација на жртвите со бугарската самосвест од југословенското минато и други, а „+1“ е прашањето за бугарските права, потсетува „Дневник“.
Според „Дневник“, потребно е, а и можно е, да се опфати барем еден период (на пример, средниот век) во работата на историската комисија за учебници и заеднички прослави на личности од историјата. Но, се додава дека останува да се види дали работата на комисијата ќе биде регулирана со дополнителни обврски во договорот.
Според соговорникот на „Дневник“, има два главни проблеми за постигнување договор: Прво, не сите партнери (во бугарската влада) гледаат политички придобивки во тоа, а климата е слична и во Скопје, па заклучува дека „ова е причината што нема конкретни рокови за договорот, и покрај сугестиите од минатата недела дека министерката за надворешни работи Теодора Генчовска ѝ го објаснила спротивното на нејзината германска колешка Аналена Бербок“.
„Немањето конкретен договор го потврди и македонскиот премиер Димитар Ковачевски, и покрај уверувањето на опозицијата дека одлуката ќе ја донесе сам“,
пишува „Дневник“.
Вториот проблем, според неименуваниот соговорник на „Дневник“ од Софија, за кој се вели дека е запознаен со политичките состојби во Скопје, е што силите на отпорот од двете страни се повторно активирани, како и при секој обид за пробив. Епизодата со тензијата околу центарот за култура во Битола и неговото отворање токму во моментот на потенцијален пробив, смета изворот, не е случајна, но, како што се наведува во текстот, одби да даде детали.
Поради ова, заклучува „Дневник“, „се доведува во прашање можноста за постигнување договор пред крајот на француското претседателство со Советот на ЕУ (крајот на јуни), на што се надеваа Скопје, Брисел и Париз“.
„Од друга страна, секое претседателство поставува такви условени рокови, а и самиот Ковачевски е на став дека понекогаш ‘брзањето значи избрзаност’“,
заклучува бугарски „Дневник“ во анализата.