Потврдувањето на изборните резултати во сите 50 држави и округот Колумбија се одржа на кратка, формална церемонија за време на заедничката седница на Претставничкиот дом и Сенатот
Американскиот Конгрес и официјално ја потврди победата на републиканецот Доналд Трамп на ноемвриските избори, отворајќи му го патот да положи заклетва на 20 јануари.
Потврдувањето на изборните резултати во сите 50 држави и округот Колумбија се одржа на кратка, формална церемонија за време на заедничката седница на Претставничкиот дом и на Сенатот.
Со седницата претседаваше Камала Харис, која како потпретседател на САД претседава со Сенатот. Харис загуби од Трамп на изборите во ноември.
„Конгресот ја потврдува нашата голема изборна победа денес – голем момент во историјата“,
напиша Трамп на неговата платформа Трут сошал.
Заедничката седница на Конгресот беше одржана дури и кога зимската бура надвисна над главниот град на САД, што го отежна патувањето.
Конгресот потврди дека Трамп освоил 312 електорски гласови, а Харис 226.
Републиканците, исто така, освоија мнозинство во Сенатот во ноември и задржаа тесно водство во Претставничкиот дом, што ќе му ја даде на Трамп потребната поддршка во Конгресот за да го спроведе планот за намалување на даноците и за сузбивање на имиграцијата.
Демократите не се обидоа да ја блокираат потврдата за победата на Трамп.