Лидерот на Демократската унија за интеграција Али Ахмети упати честитка до муслимамските верници по повод празникот Курбан Бајрам и апелираше да се почитуваат препораките за заштита од ковид-19.
„Ние го прославуваме годинашниов празник на Курбан Бајрам во посебни услови по јавното здравство, затоа ве молам да се придржувате до препораките на здравствените и верските власти. Посакувам празникот да ве најде во добра здравствена состојба за сите вас и вашите семејства и да ви донесе просперитет и радост за вас, народот и земјата. Да се помолиме заедно за здравјето на сите погодени и за надминување на оваа тешка состојба што го промени нашиот начин на живот што е можно побрзо и полесно“,
пишува Ахмети во честитката.
Поради состојбата со ковид-19, ИВЗ се откажа од организирање на главната манифестација, односно утринскиот намаз по повод Курбан Бајрам.