Сметаме на праведната поддршка од Америка за одбрана на луѓето во Украина и на тоа дека ќе води соодветно цврст разговор со Русија, а не слаб, вели Зеленски
Украинскиот претседател Володимир Зеленски ја осуди најавата на Доналд Трамп за договор за увоз на руски дизел во САД.
Зеленски тоа го нарече подарок за рускиот претседател Владимир Путин, што претставува „инвестиција во војна што мора да заврши, а не да се продолжува“.
„Секое олеснување на санкциите против Русија без јасен и траен договор за деескалација со Русија претставува очигледна слабост. Тоа ѝ оди во прилог на Русија – овозможувајќи ѝ да убива повеќе, да води војна подолго, да покажува уште помала почит кон Америка и да му нанесува уште поголеми загуби и штети на светот“,
објави украинскиот претседател на социјалните мрежи.
Тој оценува дека Русија годинава е послаба на бојното поле отколку во кој било друг момент од војната. Затоа, тврди тој, „Путин продолжува со теророт и се потпира на обиди за склучување задкулисни договори со цел да обезбеди некаков вид олеснување на притисокот врз Русија, за да добие повеќе време и повеќе можности за војна.“
Зеленски вели дека Украина е подготвена да преземе симетрични чекори за деескалација.
„Нашите напади врз руските рафинерии за нафта и други нафтени постројки се одговор на долгогодишната кампања на терор на Русија против енергетскиот сектор на Украина. Украина нема да ги пали руските рафинерии за нафта доколку Русија не ја уништува нашата енергетска инфраструктура. Ова е видот на договор што ѝ го предлагаме на Америка и веруваме дека Соединетите Држави имаат доволно моќ да постигнат таков компромис“,
вели украинскиот претседател.
Додава дека смета на Америка која би требало да води цврсти преговори со Русија.
„Подароците за Путин нема да донесат мир ниту каква било корист за цивилизираниот свет. Русија ќе ‘возврати’ за дизелот со дополнителен терор и подлост. Дозволувањето Русија да продава нафтени деривати претставува влог во војна што мора да заврши, а не да се одолговлекува. Она што е потребно е вистинска деескалација со Русија, заснована на реципроцитет. Сметаме на праведната поддршка од Америка за одбрана на луѓето во Украина и на тоа дека ќе води соодветно цврст разговор со Русија, а не слаб“,
вели Зеленски.
Peace never comes through weakness. Today, representatives of the U.S. Congress were in Kyiv – a bipartisan delegation – and I am grateful to them for visiting Ukraine at such a difficult time. They asked: what is needed to end the war? The answer must be strong. There must be sanctions under the Lindsey Graham bill, there must be support for Ukraine in protecting lives, and there must be pressure on Russia for its war. And today, there was a conversation between the leaders of America and Russia. A conversation that leads to something different. Recently, there was a European decision to lift sanctions on Russian oligarchs. Since then, Russian strikes and the torment of people have only increased. This past week alone, there was a brutal Russian missile strike on a residential building in Pryluky, aerial bombs were dropped on Kramatorsk – on ordinary city buses – and there have been constant attacks on Kyiv’s energy infrastructure and on the life-sustaining infrastructure in Dnipro, Kharkiv, Odesa, and our other cities. Dozens of people have been killed and hundreds wounded. The Russians are compensating for their inability to achieve their objectives on the battlefield with this kind of terror. This year, Russia is weaker on the battlefield than at any other point in the war. That is why Putin is relying on terror. That is why he is relying on attempts to strike backroom deals to secure some form of pressure relief for Russia, in order to buy more time and more opportunities for war. Any easing of sanctions against Russia without a clear and lasting de-escalation agreement with Russia is an obvious weakness. It plays into Russia’s hands – allowing it to kill more, wage war for longer, have even less respect for America, and inflict even greater losses and damage on the world. Ukraine is ready to take symmetrical de-escalatory steps, and the American team knows our position. Our strikes on Russian oil refineries and other oil facilities are a response to Russia’s years-long campaign of terror against Ukraine’s energy sector. Ukraine will not set Russian oil refineries on fire if Russia does not destroy our energy infrastructure. This is the kind of agreement we are proposing to America, and we believe the United States has enough power to achieve such a compromise. Gifts to Putin will not bring peace or any benefit to the civilized world. Russia will “repay” the diesel with further terror and perfidy. Allowing Russia to sell petroleum products is an investment in a war that must be ended, not prolonged. What is needed is real de-escalation with Russia on a reciprocal basis. We count on America’s fair support for our defense of life, for our defense of people in Ukraine – and on the United States having a correspondingly strong conversation with Russia. A strong one, not a weak one.
— Volodymyr Zelenskyy / Володимир Зеленський (@ZelenskyyUa) October 9, 2026
Вчера, американскиот претседател Доналд Трамп изјави дека Путин се согласил веднаш да ослободи 300 000 тони дизел „за американскиот и глобалниот пазар“, по што би следела испорака на 500 000 тони во ноември и уште еден милион потоа.
Според информациите, Министерството за финансии на САД ги суспендира санкциите за извоз на руски дизел до 7 април како дел од договорот, но другите средства, како оние во американските банки, остануваат замрзнати.
Во својата објава на „Truth Social“, Трамп додаде дека дополнителни три милиони тони руски дизел ќе бидат испорачани „во краток рок“, во зависност од состојбата на рафинериите, кои беа цел на напади од Украина.
Путин подоцна изјави дека Русија – која претходно оваа година воведе забрана за извоз на дизел – е подготвена да ги снабдува и американскиот и глобалниот пазар со нафта и нафтени деривати, но во неговата изјава не беа наведени конкретни количини.
Сепак, аналитичарите се сомневаат дали Русија е способна да ја обезбеди таа количина дизел и во која мера тоа би довело до намалување на цените за американските потрошувачи, ОБЈАВИ „Би-Би-Си“.
Ова е најновиот обид на Трамп да ги намали цените на горивото во САД, откако со месеци се соочува со политичките последици од војната со Иран, која започна во февруари, и нејзиното влијание врз глобалните цени на енергенсите.