„По реакциите на македонските телевизии беше соопштено дека Финансиската полиција отворила предмет, а АВМУ ја запрела постапката. Дали ова значи дека истрагата е прекината и се работи под радарот? Како работат медиумите на Вучиќ во Македонија? Што прави АВМУ? Или мачкаат очи? Што прави Трајчевски? Дали знае дека во наводно регулираниот простор му се шетаат медиумски пирати и дека за тоа може и кривично да одговара?“, изјави портпаролката на СДСМ, Богданка Кузеска која рече дека екипи на „Еуроњуз Македонија“ веќе присуствуваат на прес-конференции
Од опозицискиот СДСМ велат дека почнале со работа медиумите од српската медиумска мрежа во Македонија и потенцираат дека тоа се случува на сомнителен начин.
Како што изјави портпаролката на партијата, Богданка Кузеска, на прес конференција во Владата пред два дена присуствувала екипа на „Еуроњуз Македонија“ што за нив отвора прашања.
„Како присуствуваат кога сè уште немаат дозвола за работа? Очигледно Владата на Мицкоски, веќе ја третира ‘Еуроњуз Македонија’ како телевизија и ѝ овозможува пристап на официјални владини настани. Нели беше најавена истрагата за сомнителниот влез на српската медиумска машинерија во Македонија. По реакциите на македонските телевизии беше соопштено дека Финансиската полиција отворила предмет, а АВМУ ја запрела постапката. Дали ова значи дека истрагата е прекината и се работи под радарот? Како работат медиумите на Вучиќ во Македонија? Што прави АВМУ? Или мачкаат очи? Што прави Трајчевски? Дали знае дека во наводно регулираниот простор му се шетаат медиумски пирати и дека за тоа може и кривично да одговара?“,
рече Кузеска.
Од СДСМ велат дека е јасно оти медиумите на српскиот претседател Александар Вучиќ веќе се во македонскиот етер.
„Тече анти-македонска и анти-ЕУ пропаганда. Еврокомесарката Марта Кос вчера ја откажа посетата на Србија поради истите политики на Мицкоски и Стоилковиќ – величење на Ратко Младиќ. Мицкоски копира сè. Истите политики ги гледаме и со целосна контрола на медиумскиот простор, покрај веќе контролираните 40% од орбановите медиуми. Наскоро медиумски мрак и во Македонија – во служба на Русија и организираната криминална група на Мицкоски. Со Мицкоски, Македонија стана заложник на туѓи интереси на Балканот. СДСМ отсекогаш се борел за демократско општество, слободни медиуми и слобода на говорот“,
додаде таа.
Кузеска рече дека СДСМ им дава целосна поддршка на независните медиуми и новинари во Македонија. Потсети дека СДСМ веќе еднаш се борела против медиумскиот мрак во 2015 година и додаде дека нема да дозволат Македонија повторно да се врати во времето на Никола Груевски.