Како што пренесуваат светските медиуми, повикувајќи се кинеските власти, пребарувањето на теренот во потрага по исчезнати и нивно спасување денеска било привремено прекинато поради страв од нов бран од езерото што се формирало зад природна брана по лизгањето на земјиштето во средата
Смртниот биланс од катастрофалнит поплави што го погоди регионбот на Хималаите во Непал се искачи на 538 лица, а повеќе од 1 500 сè уште се водат како исчезнати, меѓу кои и стотиви странски државјани, објави невиснаката агенција АФП, повикувајќи се на информации од локалната служба за справување со катастрофи.
Кинеските државни медиуми претгодно пријавија пет нови жртви по поплавите и лизгањето на земјишето што го погоди регионот на Тибет, во делот на границата, со Непал. Според овие информации, вкупниот број на жртви е зголемен на најмалку 543 лица. Инаку, податоците од денеска наутро, посочуваа бројка од 469 загинати.
Предупредувања за можно нови поплави
Како што пренесуваат светските медиуми, повикувајќи се кинеските власти, пребарувањето на теренот во потрага по исчезнати и нивно спасување денеска било привремено прекинато поради страв од нов бран од езерото што се формирало зад природна брана по лизгањето на земјиштето во средата.
Сепак, откако било утврдено дека нивното на водата се повлекува и нема прелевање, спасувачките операции продолжиле од двете страни на границата. Но, властите и понатаму предупредуваат дека сè уште постои закана од нови лизгања на земјиштето и поплави.
Во меѓувреме, властите на неколку земји, претежно, оние од кои има исчезнати во катастофалните поплави се мобилизираат за испраќање помош, од според информациите дел е веќе пристигната во погодените подрачја.
Амбасадата на Соединетите Американски Држави (САД) во Непал потври дека првата итна помош, која вклучува повеќе од два и пол тони храна пристигнала во земјата. Во тек и диструбуцијата на 500 ќебиња, 500 мрежи против комарци и 500 изолациски покривки во две училишта во округот Расува, каде привремено се сместени лица кои останале без своите домови во стравичните поплави.
Амерканскиот претседател Доналд Трамп во изјава за медиумите рече дека разговарал со непалските лидери и им понудил, како што кажа, сè што им е потребно како помош.
ЕУ обезбедила два милиони евра помош за Непал
Истовремено, претседателката на Европската комисија (ЕК), Урсула фонд дер Лајен на социјалните мрежи соопшти дека Европската унија обезбедила два милиони евра хуманитарна помош за Непал. Средствата ќе бидат искористени за најитните потреби, вклучувајчќи храна, здравствена заштита, вода за пиење и за санитарни потреби.
Партнерите финансирани од ЕУ веќе обезбедуваат помош на терен, а Унијата ја активираше сателитската услуга „Коперникус“ за мапирање на погодените области.
Инаку, Министерството за надворешни работи на Непал денеска соопшти дека на земјата не ѝ е потребна странска помош во операциите за спасување по стравичните поплавиво неколку градови, и покрај понудите што пристигнале од неколку земји чии државјани исчезнале во катастрофата.
Поплавите, меѓу другите области, го погодија округот Расува во близина на кинеската граница, срамнувајќи цели градови, оштетувајќи хидроелектрани и убивајќи речиси 500 луѓе. Стотици странски државјани сè уште се водат како исчезнати, вклучително и оние од Јужна Кореја, која објави дека веќе испратила тим за одговор во Непал и дека ќе испрати и тим за помош при катастрофи.
„Природно е да се понуди помош. Нашите безбедносни служби спроведуваат операции за пребарување и спасување. Засега, не ние потребна таква помош“,
изјавил портпаролот на Министерството за надворешни работи на земјата, Лок Бахадур Чхетри, без да образложи повеќе на темата.
Семејствата на исчезнатите во тегбно исечекување на информации
Медиумите пренесуваат и потресни сведоштва на странски државјани, чии блиски сè уште се водат како исчезнати во погодените региони на границата меѓу Непал и Тибет.
Синот на исчезнат Американец го опишал мачното чекање на вести за својот татко, со кого последен пат разговарал околу еден час пред да се случат катастрофалните поплави.
Сани Пател последен пат разговарал со својот татко, Џитендра Пател, 72-годишен човек кој бил на хиндуистичко поклонение на планината Каилаш, во среда по непалско време.
„Колку што знаеме, мојот татко преминал во Тибет, затоа бил во Кина, и навистина не добивме многу информации оттаму“,
изјавил 38-годишниот Пател за Ен-би-си њуз (НBC News).
Неговиот татко, како што навел тој, патувал со група пријатели.
„Тешко е кога живееш вака минута по минута. Само гледаш во телефонот и чекаш некој да те повика“,
рекол тој.