Еврокомесарката за проширување посочи дека првпат по повеќе од 20 години на ист ден се одржуваат пристапни конференции со четири земји кандидати – Црна Гора, Украина, Молдавија и Албанија
Украина и Молдавија денеска го отвораат Кластерот 6, кој ги опфаќа областите одбрана и безбедност, каде што аргументите за нивното членство во ЕУ се особено силни, додека Албанија ги затвора своите први преговарачки поглавја. За Црна Гора рече дека е цврсто во последната фаза од формалните пристапни преговори затворајќи 18 од вкупно 33 преговарачки поглавја
Еврокомесарката за проширување Марта Кос денеска во Брисел оцени дека е „супервторник“ за проширувањето на Европската Унија бидејќи првпат по повеќе од 20 години на ист ден се одржуваат пристапни конференции со четири земји кандидати – Црна Гора, Украина, Молдавија и Албанија.
Таа во објава на Икс напиша дека овие земји предводнички прават значителен напредок на европскиот пат и ја посочи ја Црна Гора како најнапредна во пристапните преговори.
„Нашите лидери – Украина, Молдавија, Албанија и Црна Гора прават големи чекори напред. Црна Гора е на чело на таа колона, како најнапредна земја во пристапните преговори“,
вели таа.
Според неа, Украина и Молдавија денеска го отвораат Кластерот 6, кој ги опфаќа областите одбрана и безбедност, каде што аргументите за нивното членство во ЕУ се особено силни, додека Албанија ги затвора своите први преговарачки поглавја.
За Црна Гора рече дека е цврсто во последната фаза од формалните пристапни преговори затворајќи 18 од вкупно 33 преговарачки поглавја.
„Сегашниот моментум мора да се преточи во конкретни резултати на терен“,
рече таа потсетувајќи дека напредокот ќе зависи од исполнувањето на условите за членство.
Today is a Super Tuesday for EU enlargement.
— Marta Kos (@MartaKosEU) July 14, 2026
For the first time in over 2 decades, we are holding four accession conferences on the same day.
Our four front runners Ukraine, Moldova, Albania and Montenegro are all taking major steps forward.
With Ukraine and Moldova, we are… pic.twitter.com/piUZLMuCYc
Во Брисел денеска се одржува меѓувладина конференција меѓу ЕУ и Црна Гора, на која земјата ќе ги затвори поглавјето 8, кое се однесува на конкуренција и поглавјето 29 за царинската унија. Со тоа, бројот на затворени поглавја ќе достигне 18 од вкупно 33.
Ирскиот министер за европски прашања: Преговорите за членство на Црна Гора со ЕУ би можеле да завршат до крајот на годината
Делегацијата на Црна Гора ја предводи премиерот Милојко Спајиќ, а по конференцијата заедничка прес-конференција имаа Спајиќ, еврокомесарката Кос и ирскиот министер за европски прашања Томас Берн, кој изјави дека постои уверување оти пристапните преговори на Црна Гора со Европската Унија би можеле да бидат завршени до крајот на годинава.
Welcome to ‘Super Tuesday’!
— Thomas Byrne (@ThomasByrneTD) July 14, 2026
🇮🇪🇺🇦🇲🇩🇦🇱🇲🇪🇪🇺
Under the Irish EU Presidency, today I will chair the most EU accession conferences held in a single day since 2002!
An important moment for Ukraine, Moldova, Albania and Montenegro, as they respectively progress on their EU path. pic.twitter.com/mw1nhWjqEn
Во видеообраќање објавено на Икс, во пресрет на меѓувладината конференција во Брисел, Берн потсети дека Ирска од почетокот на јули претседава со Советот на ЕУ и изрази очекување дека Црна Гора ќе продолжи со успешниот напредок во преговарачкиот процес.
„Под ирското претседателство со Советот на ЕУ, денеска ќе претседавам со најголемиот број пристапни конференции одржани во еден ден од 2002 година. Ова е важен момент за Украина, Молдавија, Албанија и Црна Гора, кои продолжуваат да напредуваат на својот пат кон членство во Европската Унија“,
порача тој.