Без да даде дополнителни детали во врска со нападот, Револуционерната гарда на Иран ги обвини САД за прекршување на мировниот договор и предупреди дека ќе одговори посилно на сите понатамошни напади од страна на американската војска
По нападот на САД врз ирански воени цели во Ормускиот Теснец, Исламската револуционерна гарда на Иран соопшти дека одговорила со напад врз американски воени позиции во регионот, пренесува Ројтерс.
Без да даде дополнителни детали, Револуционерната гарда на Иран ги обвини САД за прекршување на мировниот договор и предупреди дека ќе одговори посилно на сите понатамошни напади од страна на американската војска.
„Спогодбата за прекин на огнот му дава на Иран контрола врз бродскиот сообраќај во Теснецот. Сепак, САД со провокација на разни фронтови се обидоа да го прекршат. Потребниот одговор е даден. Доколку агресијата се повтори, нашиот одговор ќе биде посилен“,
соопштија од Револуционерната гарда на Иран.
Претходно, Централната команда на војската на САД соопшти дека нејзините сили извршиле напади врз ирански воени цели околу Ормускиот Теснец како одговор на нападот на Техеран врз комерцијален брод во близина на клучниот воден пат.