Поради влијание на топла воздушна маса од југ, до средината на следната седмица времето ќе биде сончево и многу топло, а дневните температури некаде ќе достигнат и до 39 степени
Сончево и топло време со мала до умерена облачност – најавува Управата за хидрометеоролошки работи за денеска. Во текот на денот ќе дува слаб до умерен северен ветер. Во попладневните часови, претежно на планинските предели, ќе има услови за појава на нестабилност со пороен дожд, грмежи и засилен ветер.
Минималните температури ќе се движат во интервал од 13 до 21 Целзиусов степен, додека максималните ќе се искачат од 28 до 38 степени.
Времето во Скопје ќе биде сончево и топло со мала до умерена облчност. Ќе дува слаб до умерен северен ветер. Температурите ќе се движат од минимални 18 до максимални 38 степени.
УХМР најавува дека поради влијание на топла воздушна маса од југ, до средината на следната седмица времето ќе биде сончево и многу топло, а дневните температури некаде ќе достигнат и до 39 Целзиусови степени. Високите температури ќе се задржат и во ноќните часови.