(ВИДЕО) Шекеринска и Џафери за изборот на претседател на Собранието на 27 април 2017 година

За иницијативата на ДУИ за премиер Албанец, заменик-претседателката на СДСМ посочи дека Заев е политичар со најголема доверба меѓу Албанците и Македонците, ама дека за тоа кој ќе биде на чело на владата не се одлучува на партиски собири, ниту на дебатни емисии

ВМРО-ДПМНЕ ги организираше протестите и се обиде да не убие, заради тоа што не сакаат да ја предадат власта. Меѓутоа ние бевме таму и сите гласавме за Талат да биде претседател на Собранието, и тоа беше поводот за да се обидат да не убијат, изјави заменик-претсдателката на СДСМ Радмила Шекеринска, вечерва во дебата на ТВ 21, во која учествуваше и спикерот Талат Џафери.

Шекеринска и Џафери (ДУИ) на овие избори се носители на кандидатските листи за пратеници на своите партии во петтата изборна единица, односно се против кандидати. Навраќањето на изборот на Џафери за претседател на парламентот, на 27 април 2017 година, се наметна како тема во вечерашната дебата поради фокусот на ДУИ во оваа изборна кампања на иницијативата за прв Албанец за премиер во земјава.

Три години по „крвавиот четврток“: Џафери и Заев се разминуваат околу свикувањето на распуштениот парламент

СДСМ: ДУИ ги поткопува придобивките од Охридскиот рамковен договор

Шекеринска посочи дека во 2017 година за СДСМ не беше проблем Џафери да биде избран на чело на парламентот. На тоа реплицираше спикерот во заминување, со забелешка: „сите бевме за тоа дека треба да се избере претседател на Собранието, а дали тоа ќе биде Талат или некој друго, беше помалку важно“.

„Конечно, имаме шанса да ги гледаме луѓето во ова држава како личности, а не како беџови. ДУИ имаше проблем пред овие избори да најде тема, а кандидатот го бараа неколкупати, бидејќи очигледно неколкумина им одбија. Зоран Заев е политичарот во Северна Македонија кој ја има највисоката доверба и кај Македонците, и кај Албанците и кај сите други етнички заедници.  Ако веќе зборуваме за етничкат поддршка, тогаш ние сите ние би требало со консензус да го поддржиме. Ама тоа не се одлучува на партиски собири, ниту на дебатни емиси. Се одлучува на денот на изборите и после изборите“,

рече Шекеринска.

Носителот на листатат на Алијанса за Албанците во петтата ИЕ Сурија Рашиди, пак, во дебатата на ТВ21 истакна дека премиер Албанец би бил подобар од сите досега. Ама, како што рече, кога со еден ваков предлог се излегува во очи на капањата, тоа е, за жал, манипулација.