Еврокомесарката за проширување Марта Кос очекува останатите пет кластери двете земји да ги отворат во јули годинава
Денеска е мегапонеделник за проширувањето на Европската Унија – порача еврокомесарката Марта Кос пред почетокот на состанокот на министрите за надворешни работи на ЕУ во Луксембург.
„Прво, Украина и Молдавија ќе го направат својот најголем чекор од одлуката за започнување на преговорите за пристапување во Европската Унија во 2023 година. Конечно ќе можеме да го отвориме првиот кластер за двете земји бидејќи тие испорачаа, а сега е време да испорачаме и ние“,
порача еврокомесарката за проширување.
Таа нагласи дека ако двете земји ги исполнат своите обврски, и ЕУ мора да ги исполни своите. Во оваа смисла, Кос рече дека очекува останатите пет кластери двете земји да ги отворат во јули годинава.
Освен што Украина и Молдавија денеска ќе го отворат Кластерот 1, додаде еврокомесарката, денеска Црна Гора ќе затвори уште две поглавја, со што ќе се приближи до затворање на половина од вкупниот број поглавја.
„Денеска е ден што го користиме за да ги повикаме кандидатите да продолжат со спроведување на реформите“,
порача Кос.
Today is Mega-Monday for EU enlargement.
— Marta Kos (@MartaKosEU) June 15, 2026
First, Ukraine and Moldova will take their biggest step since the decision to start EU accession negotiations in 2023.
We will also close two more chapters with Montenegro, bringing it close to half of all chapters closed.
It’s a day… pic.twitter.com/269ZbNzNhO