Последниот удар на американските сили дојде неколку часа откако претседателот на САД, Доналд Трамп, се закани дека ќе го погодат Иран „силно“, наведувајќи истовремено дека на Техеран му требало премногу време да се согласи на постигнување договор за ставање траен крај на војната
Според извештатите на иранските државни медиуми, американските воени бази во Бахреин и Кувајт синоќа втор ден по ред биле под ирански оган, додека Корпусот на Исламската револуционерна гарда (ИРГЦ), соопшти дека истрелал балистички ракети кон американски команден центар во Јордан
Соединетите Американски Држави (САД) и Иран втор ден по ред разменија напади врз цели на Персискиот Залив, дополнително затегнувајќи го веќе нестабилниот прекин на огнот што двете земји го доворија во април, пишуваат светските медиуми.
Централната команда на војската на САД (CENTKOM), соопшти дека нејизните сили завршиле со новиот бран, како што ги нарекуваат, напади во самоодбрана, насочени кон воени, командни и радарски локации во јужен Иран.
Последниот удар на американските сили дојде неколку часа откако претседателот на САД, Доналд Трамп, се закани дека ќе го погодат Иран „силно“, наведувајќи истовремено дека на Техеран му требало премногу време да се согласи на постигнување договор за ставање траен крај на војната.
Како одговор, Иран, како што пренесува Би-би-си, започанл серија напади насочени кон американски цели во земјите од регионот на Персискиот Залив.
Според извештатите на иранските државни медиуми, американските воени бази во Бахреин и Кувајт синоќа втор ден по ред биле под ирански оган, додека Корпусот на Исламската револуционерна гарда (ИРГЦ), соопшти дека истрелал балистички ракети кон американски команден центар во Јордан.
Исламската револуционерна гарда соопшти дека уништила, како што тврди, голем број американски борбени авиони, откако истрелала 12 балистички ракети кон воздухопловната база „Мувафак Салти“ во Јордан. Сепак, ваквите тврдења, како што наведува Би-би-си, во моментов не можат да бидат потврдени од независни извори.
Министерството за внатрешни работи на Бахреин соопшти дека сирени за тревога од воздушен напад биле активирани преку ноќта, додека кувајтската армија на социјалната платформа Икс објави дека нејзините системи за противвоздушна одбрана пресретнале непријателски воздушни цели.
Кувајт, исто така, соопшти дека привремено го затворил својот воздушен простор поради иранските напади.
Во најновото разгорување на конфликтот, Исламската револуционерна гарда на Иран, исто така, соопшти дека погодила два танкери за нафта што минувале низ Ормускиот теснец. Веста ја објавија иранските државни медиуми без непосредна потврда за нападот.
Нападот се случил откако иранските државни медиуми објавија дека Ормускиот теснец е „целосно затворен за сите видови бродови“. Сепак, од Централната команда на војската на САД, соопштија дека комерцијалните бродови продолжуваат да транзитираат во и надвор од Ормускиот теснец.
Новите разгорувања на тензиите на Блискиот Исток, доведоа до нов раст на цените на суровата нафта на светските пазари. Така, како што јавуваат медиумите, суровата нафта од типот „брент“ која се смета за глобален репер, се искачи на околу 95 долари за барел откако порасна за околу два отсто.
Часови пред САД да го започнат својот последен напад, американскиот претседател Трамп изјави:
„Ги погодивме силно вчера и ќе ги погодиме силно повторно денес“,
рече тој.
Американскиот министер за одбрана Пит Хегсет го прикажа потегот како обид да се принуди Иран на договор за прекин на конфликтот, изјавувајќи за новинарите, за време на посетата на Централната команда во Флорида, дека нападите ќе ги унапредат воени интереси на САД, и ќе ја подобрат дипломатската позиција на земјата. исто така ќе ја подобрат и нашата дипломатска позиција“.
Хегсет рече дека на Иран му била дадена шанса да склучи договор, која змјата не ја прифатила, додавајќи дека доколку е потребно бомбите ќе паѓаат врз клучните објекти во Иран.
Иранскиот претседател Масуд Пезешкијан, пак, изјави дека Техеран „ќе застане цврсто против секој притисок или закана“.
Иранското министерство за надворешни работи претходно ги обвини САД за нанесување штети на дипломатскиот процес преку контрадикторните пораки што доаѓаат од Вашингтон.
Во април, САД и Иран се согласија на прекин на огнот кој првично требаше да трае две недели, но двете страни, оттогаш разменија повремен оган, без да се вратат на целосни непријателства.
Сепак, неодамнешните напори за посредување во преговорите меѓу Вашингтон и Техеран се заглавени, а нападите се засилија.
Пред два дена американски воен хеликоптер од типот АХ-64 „апачи“ беше соборен во напад за кој беше обвинет Иран, што беше повод за новите американски напади врз цели во Иран, на кои Техеран одговори со контранапади.
Во изјава за социјалната платформа Икс, генералниот секретар на Обединетите нации, Антонио Гутереш, рече дека Блискиот Исток е вовлечен во подлабока криза, а неодамнешните напади значат дека „прекинот на огнот е повеќе како помал оган“.
„Не треба да ги минимизираме ризиците помалиот оган да стане целосен оган. Сите страни мора да работат кон дипломатско решение. Крај на нападите. Крај на изговорите“,
вели тој во изјавата.