На социјалните мрежи се појавија видеа на кои се гледаат урнати згради и причинета голема материјална штета од земјотресот. Сепак, сè уште нема целосни информации за обемот на штетите, додека спасувачките служби продолжуваат да ги посетуваат погодените подрачја
Властите ги предупредија жителите на крајбрежните области да се држат подалеку од брегот и да ги следат упатствата, бидејќи опасноста од големи бранови може да трае неколку часа по главниот удар
Најмалку три лица загинаа, а четворица се повредени откако силен земјотрес со јачина од 7,8 степени според Рихтеровата скала го погоди јужниот дел на Филипините, соопштија локалните власти, а пренесува Ројтерс.
Земјотресот го погоди островот Минданао, а поради опасноста од големи морски бранови, властите на Филипините и соседна Индонезија издадоа предупредување за цунами.
Германскиот центар за геолошки науки (ГФЗ) објави дека епицентарот на земјотресот бил на длабочина од 10 километри. Првично, јачината на земјотресот е проценета на 8,2, но подоцна е коригирана на 7,8 степени.
🚨JUST IN: Powerful 7.8-magnitude earthquake hits Philippines
— The Page Z (@ThePageZ_) June 8, 2026
Buildings collapse, panic all around
TSUNAMI ALERT ISSUED pic.twitter.com/1H3GzcFUWn
На социјалните мрежи се појавија видеа на кои се гледаат урнати згради и причинета голема материјална штета од земјотресот.
Засега нема целосни информации за обемот на штетите, додека спасувачките служби продолжуваат да ги посетуваат погодените подрачја.
Властите ги предупредија жителите на крајбрежните области да се држат подалеку од брегот и да ги следат упатствата, бидејќи опасноста од големи бранови може да трае неколку часа по главниот удар.
Началникот на полицијата на градот Алабела во филипинската покраина Сарангани, изјави дека ова е најсилниот земјотрес што некогаш го почувствувале.
Според него, неколку луѓе се онесвестиле поради силното тресење на земјата што го погодило подрачјето за време на церемонијата на кревањето на знамето.
Жителите на градот Манадо во Северна Индонезија, исто така, објавија дека земјотресот е многу силно почувствуван во нивната област.
Филипините се наоѓаат на таканаречениот Пацифички огнен прстен, област позната по чести земјотреси и вулкански ерупции.
Силните земјотреси не се невообичаени во земјата, но експертите предупредуваат дека плитките земјотреси како овој честопати предизвикуваат најголема штета и се сериозна закана за населението.