Инцидентот започнал синоќа кога сопругата на осомничениот повикала полиција и побарала помош. Откако полицајците стигнале во станбено-деловната зграда во Дортмунд, мажот, според наводите на полицијата, пукал кон еден од полициските службеници, по што се затворил во својот стан со своите деца
Српски државјанин утринава ѝ се предал на полицијата во германскиот град Дортмунд откако вчера пукал и ранил полицаец, по што се затворил во својот стан со своите три ќерки кои ги држел како заложници. Полицијата соопшти дека осомничениот 51-годишник, доброволно ја напуштил зградата околу 3:30 часот утринава, ѝ се предал на полицијата и бил уапсен.
Полицијата потврди дека децата кои биле затворени во станот се безбедни и не се повредени.
Инцидентот започнал во вторникот вечерта кога сопругата на осомничениот повикала полиција и побарала помош. Откако полицајците стигнале во станбено-деловната зграда во Дортмунд, мажот, според наводите на полицијата, пукал кон еден од полициските службеници, по што се затворил во својот стан со своите деца на возраст од 7,10 и 12 години.
Полицаецот кој бил погоден претрпел полесни повреди бидејќи носел панцир.