„Американската решителност функционира. Веруваме дека е време за доволна решителност за да се принуди Москва да прекине со огнот и да ја заврши војната против Украина“, порача шефот на украинската дипломатија Андриј Сибиха откако САД и Иран се договорија на двонеделно примирје
Украинскиот министер за надворешни работи Андриј Сибиха го поздрави договорот со кој е постигнато двонеделно примирје на Блискиот Исток, велејќи дека сега е моментот САД да покажат доволна решителност и да се принуди Русија да го стори истото во војната против Украина.
„Го поздравуваме договорот меѓу претседателот Доналд Трамп и иранскиот режим за деблокирање на Ормускиот Теснец и прекин на огнот, како и медијациските напори на Пакистан. Американската решителност функционира. Веруваме дека е време за доволна решителност за да се принуди Москва да прекине со огнот и да ја заврши војната против Украина“,
пишува украинскиот министер во објава на Икс.
We welcome the agreement between President Trump and the Iranian regime to unblock the Hormuz strait and cease fire, as well as Pakistan’s mediation efforts. American decisiveness works. We believe it is time for sufficient decisiveness to force Moscow to cease fire and end its…
— Andrii Sybiha 🇺🇦 (@andrii_sybiha) April 8, 2026
Премиерот на Пакистан, Шехбаз Шариф, утрово објави дека Иран, САД и нивните сојузници се согласиле на привремен прекин на огнот, кој стапува во сила веднаш и ги опфаќа сите конфликтни зони, вклучувајќи го и Либан.