Граѓаните може да ги подигнат ваучерите до 17 април годинава во меѓуопштинските центри за социјална работа во општината во која живеат, а треба да ги искористат најдоцна до 15 октомври 2026 година
Од денеска, граѓаните кои се наоѓаат на списокот на Министерството за енергетика, рударство и минерални суровини (МЕРМС) можат да ги подигнат ваучерите за набавка и вградување енергетски ефикасни клима-уреди. Оваа мерка опфаќа вкупно 4 070 домаќинства кои ги исполниле условите од јавниот оглас.
Граѓаните може да ги подигнат ваучерите до 17 април годинава во меѓуопштинските центри за социјална работа во општината во која живеат, а треба да ги искористат најдоцна до 15 октомври 2026 година.
Ваучерот овозможува набавка и вградување инвертер-клима уред со моќност од 3,5 киловати и најмалку енергетска класа А. Вредноста на ваучерот изнесува до 28 000 денари, без дополнителна доплата од страна на корисниците.
Списокот на граѓани кои добиле ваучер, како и листата на овластени компании каде што може да се набават уредите, се достапни на веб-страницата на Министерството: https://energy.gov.mk/mk-MK/odnosi-so-javnost/rezultati-i-spisoci
На веб-страницата на Министерството за енергетика, рударство и минерални суровини (МЕРМС) се објавени сите детали за потребната документација и постапката за подигнување на ваучерите.