Авионот со втората група евакуирани македонски граѓани од ОАЕ вечерва слета во Скопје

Според МНР, на скопскиот аеродром пристигнаа вкупно 150 патници, од кои 125 се македонски државјани, седум се државјани на Србија, 11 на Косово, по двајца на Босна и Херцеговина и Албанија, а по еден на Германија, Ерменија и Црна Гора

Втората група македонски граѓани евакуирани од Обединетите Арапски Емирати (ОАЕ) со лет од Дубаи вечерва пристигна на скопскиот аеродром, соопштија од Министерството за надворешни работи и надворешна трговија (МНР).

„На скопскиот аеродром пристигнаа вкупно 150 патници, од кои 125 се македонски државјани, седум се државјани на Србија, 11 на Косово, по двајца на Босна и Херцеговина и Албанија, а по еден на Германија, Ерменија и Црна Гора“,

се вели во соопштението од ресорното Министерство.

Со лет од Дубаи денеска се евакуираат 150 патници, меѓу македонските има и државјани од регионот

Инаку, летот е организиран од страна на МНР, а трошоците за негова реализација се целосно покриени од државата.

Во текот на утрешниот ден се очекува во Приштина да пристигне третата група граѓани, за кои е предвидено да полетаат од Ријад, Кралството Саудиска Арабија, по што ќе биде организиран превоз за патниците до Скопје.

Македонски државјани од Саудиска Арабија, Кувајт и Бахреин утре со специјален лет ќе се вратат дома