Според Управата за хидрометеоролошки работи (УХМР), земјава е под влијание на поле на висок воздушен притисок, поради што стабилното и суво време ќе се задржи и за време на викендот, а дневната температура ќе биде во пораст
По студеното утро со температури околу и под нулата, денеска во текот на денот во земјава се очекува сончево и релативно топло време, вели прогнозата на Управата за хидрометеоролошки работи (УХМР). Ќе дува слаб ветер од променлив правец.
Утринската температура ќе се движи во интервал од минус четири дo нула Целзиусови степени, а максималната дневна ќе достигне од девет до 16 степени.
Во Скопје, според синоптичарите, исто така, ќе биде сончево со мала до умерена облачност и со слаб ветер од променлив правец. Дневната температура во главниот град ќе се искачи до 15 Целзиусови степени.
Според Управата за хидрометеоролошки работи (УХМР), земјава е под влијание на поле на висок воздушен притисок, поради што стабилното и суво време ќе се задржи и за време на викендот, а дневната температура ќе биде во пораст. До средината на следната недела ќе дува слаб до умерен ветер од јужен правец, а по одредени котлини ќе има појава на магла.