Првоосомничениот ја уценувал малолетничката дека наводно ќе објави нејзини експлицитни фотографии доколку не му исплати 20 000 евра. Таа земала пари од дома без знаење на своите родители и позајмувала пари од други лица, па во повеќе наврати му ги давала парите на првоосомничениот
Основното јавно обвинителство Куманово поведе истрага и предложи притвор за две лица поради полов напад и силување на малолетничка. Еден од нив е осомничен и за уцена.
Според наводите на Обвинителството и полицијата, првоосомничениот Н. А. (31) од село Слупчане извршил полови дејствија врз малолетна девојка од Липковско спротивно на нејзината волја, а на полови дејствија ја принудил и со второосомничениот Ќ. М. (28), исто така од село Слупчане.
Н. А. потоа ја уценувал малолетничката дека наводно ќе објави нејзини експлицитни фотографии доколку не му исплати 20 000 евра. Таа била принудена да зема пари од дома без знаење на своите родители и да позајмува пари од други лица, па во повеќе наврати му ги давала парите на првоосомничениот.
„Јавниот обвинител до судијата на претходна постапка од Основниот суд во Куманово достави предлог за определување мерка притвор за двајцата осомничени кои се лишени од слобода“,
информираат од ОЈО Куманово и додаваат дека продолжуваат да се преземаат истражни дејствија за случајот.