„Нивната мисија беше да ги поддржат тековните операции против ИСИС и борбата против тероризмот во регионот. Овој напад моментално е под активна истрага“, вели портпаролот на Пентагон
Двајца американски војници и еден цивилен преведувач се убиени, а тројца други се ранети во напад во Сирија, потврди министерството за одбрана на САД, пишува Си-ен-ен.
Портпаролот на Пентагон, Шон Парнел, објави на платформата Икс дека инцидентот се случил за време на состанок со клучните локални лидери.
„Нивната мисија беше да ги поддржат тековните операции против ИСИС и борбата против тероризмот во регионот. Овој напад моментално е под активна истрага“,
пишува Парнел.
Today in Palmyra, Syria, two United States Army soldiers and one civilian U.S. interpreter were killed, and three were wounded.
— Sean Parnell (@SeanParnellASW) December 13, 2025
The attack occurred as the soldiers were conducting a key leader engagement. Their mission was in support of on-going counter-ISIS / counter-terrorism…
Тој додава дека имињата на убиените нема да бидат објавени додека не бидат известени нивните семејства.
Министерот за одбрана Пит Хегсет потврди дека напаѓачот е убиен од партнерските сили и испрати остра порака.
„Да се знае дека ако ги таргетирате Американците, каде било во светот, ќе го поминете остатокот од вашите кратки, вознемирени животи знаејќи дека САД ќе ве ловат, ќе ве најдат и безмилосно ќе ве убијат“,
напиша Хегсет на Икс.
The savage who perpetrated this attack was killed by partner forces.
— Secretary of War Pete Hegseth (@SecWar) December 13, 2025
Let it be known, if you target Americans — anywhere in the world — you will spend the rest of your brief, anxious life knowing the United States will hunt you, find you, and ruthlessly kill you. https://t.co/P7D9NrWpAL
Според официјалната сириска новинска агенција САНА, вооружен напаѓач отворил оган врз сириска и американска воена патрола, при што повредил двајца припадници на безбедносните сили на Сирија и неколку американски лица. Поради инцидентот, сообраќајот на автопатот помеѓу Деир Езор и Дамаск е запрен, а американски борбени авиони се видени на небото.
„Американските хеликоптери интервенираа за да ги евакуираат ранетите во базата Ал-Танф по инцидентот со пукањето“,
објави САНА, осврнувајќи се на американската база во источна Сирија вдолж границата со Ирак.