Според реформата, секој професионален војник кој ќе наполни 45 години ќе има можност да избере дали ќе ја искористи опцијата за испратнина или ќе продолжи со работниот ангажман во Армијата како цивилно лице со трансформација на работниот однос од определено на неопределено време. И натаму останува можноста војниците по навршување на 45 години да заминат во друга државна инситуција
Покрај решавањето на статусот на професионалните војници, Мисајловски рече дека во разговор со министерката за финансии е постигнат договор за потпишување колективен договор и зголемување на платите во Армијата
Професионалните војници ќе добијат можност да продолжат да работат како цивилни лица во Армијата и по навршувањето на 45-годишна возраст, сè до исполнувањето на условите за пензионирање. Реформата, по денешната владина седница, ја објави министерот за одбрана Владо Мисајловски на прес-конференција.
Според реформата, секој професионален војник кој ќе наполни 45 години ќе има можност да избере дали ќе ја искористи опцијата за испратнина или ќе продолжи со работниот ангажман во Армијата како цивилно лице со трансформација на работниот однос од определено на неопределено време. И натаму останува можноста војниците по навршување на 45 години да заминат во друга државна инситуција.
„Со оваа реформа правиме решение секој еден војник да може да остане како цивилно лице во Армијата сè додека не наполни години за старосна пензија. Војниците конечно заслужено ќе можат да бидат задоволни и сигурни и по својата 45 година. Остануваат сите опции – отпремнина, трансфер во институциите, а со оваа реформа правиме можност секој војник да може да остане како цивилно лице во Армијата. Ова е реформа што ја работевме подолго време, а која произлегува од Армијата и е поддржана од синдикатите“,
изјави Мисајловски на денешната прес-конференција.
Покрај решавањето на статусот на професионалните војници, Мисајловски рече дека во разговор со министерката за финансии е постигнат договор за потпишување колективен договор и зголемување на платите во Армијата.
Началникот на Генералштабот на Армијата, Сашко Лафчиски, појасни дека војниците кои ќе наполнат 45 години и ќе одлучат да го трансформираат работниот однос ќе бидат ангажирани во обезбедувањето на армиските објекти, со што ќе се растоварат командите и единиците од оваа дополнителна обврска.
„Тоа без исклучок и по правило е секундарна, терцијална задача, обврска и би рекол дополнителна обврска на тие команди и единици, а и согласно нивната мисија и суштински задачи, секогаш е дополнително оптоварување. Со ова предлог-решение таа многу важна обврска ќе биде преземена токму од професионалните војници. Ве уверувам дека не постои подобар персонал од професионалните војници кои ќе се одлучат да го трансформираат работниот однос за извршување на оваа обврска“,
изјави Лафчиски.
Министерот за одбрана рече дека откако е најавена ваквата реформа има многу поголем интерес од војниците да останат во Армијата, што, според него, е добар сигнал.