Минималните температури ќе се движат во интервал од 0 до 6 степени Целзиусови, додека максималните ќе се искачат од 6 до 12 степени
Претежно облачно со повремени локални врнежи од дожд – најавува Управата за хидрометеоролошки работи (УХМР) за денеска. Пообилни врнежи ќе има во западните и јужните делови на земјава, а на повисоките планини врнежите ќе преминуваат во снег. Ќе дува слаб до умерен југоисточен ветер.
Минималните температури ќе се движат во интервал од 0 до 6 степени Целзиусови, додека максималните ќе се искачат од 6 до 12 степени.
Времето во Скопје ќе биде претежно облачно со повремени локални врнежи од дожд и слаб ветер од јужен правец. Температурите ќе се движат во интервал од 3 до 11 степени.
До крајот на неделата УХМР најавува период на претежно облачно време со повремени локални врнежи од дожд кои ќе бидат пообилни во западните и јужните делови на земјава. На повисоките планини дождот ќе премине во снег.