Според првичните информации, на чамецот имало десет кинески државјани и еден српски државјанин
Чамец во кој се превезувале десетина лица вчеравечер се преврте на реката Дунав во близина на Бачка Паланка, пренесува Радио-телевизија Србија (РТС).
Според првичните информации, на чамецот имало десет кинески државјани и еден српски државјанин.
На местото на несреќата веднаш се упатија екипи на полицијата, Итната медицинска помош и на противпожарната заштита, а ангажирани се и специјални тимови за спасување на вода од Србија и од Хрватска.
Се претпоставува дека при потонувањето на бродот, неколкумина лица завршија во реката.
Според неофицијални информации, екипите трагаат по исчезнати во реката Дунав, а се претпоставува дека има и загинати.
Надлежните органи најавија дека ќе објават официјално соопштение за причините за трагедијата откако ќе заврши истрагата.