За утре се најавува променливо облачно време со повремени локални врнежи од дожд и со умерен до засилен ветер од северен правец. Температурата во текот на денот ќе се движи од 6 до 16 степени
Сончево со мала до умерена облачност е прогнозата за денеска од Управата за хидрометеоролошки работи (УХМР). Кон крајот на денот облачноста ќе се зголемува и во текот на ноќта ќе има повремен локален дожд, а ќе дува и слаб до умерен ветер претежно од јужен правец. Утринската температура ќе биде од минус 1 до 4 Целзиусови степени, а дневната од 12 до 20 степени.
И во Скопје времето денеска ќе биде сончево со мала до умерена облачност и со слаб до умерен ветер од јужен правец. Кон крајот на денот облачноста ќе се зголеми. Температурата ќе биде од 3 до 17 степени.
За утре се најавува променливо облачно време со повремени локални врнежи од дожд и со умерен до засилен ветер од северен правец. Температурата во текот на денот ќе се движи од 6 до 16 степени.
Според прогнозата на УХМР, од понеделник до среда температурите ќе се задржат под просекот за овој период од годината. Пораст на дневната температура се очекува од четврток.