Европската комисија формално му предложи на Советот на ЕУ во средата суспендирање на договорот за слободна трговија со Израел поради војната во Газа, санкции против Хамас, екстремистички израелски министри и насилни доселеници и суспендирање на билатералната поддршка за Израел, со исклучок на поддршката за граѓанското општество
Германија ќе одлучи дали ќе ги поддржи најавените санкции на ЕУ кон Израел пред неформалниот состанок на земјите членки на ЕУ во Копенхаген во октомври, изјави синоќа германскиот канцелар Фридрих Мерц за време на посетата на Шпанија.
Во разговор со шпанскиот премиер Педро Санчез, Мерц рече дека потезите на Израел во Газа се непропорционални на неговите најавени цели и нагласи дека за Германија признавањето на палестинската државност во моментов не е предмет на дискусија.
„Ќе разговараме повторно за овие прашања следната недела на ниво на федерален кабинет. Претпоставувам дека на неформалниот состанок на советот на 1 октомври во Копенхаген ќе имаме став што ќе биде поддржан и од целата германска влада“,
рече Мерц.
Берлин и Мадрид ќе се обидат да постигнат решение за проектот за европски борбени авиони на иднината (ФЦАС) до крајот на 2025 година, изјави германскиот канцелар.
Европската комисија формално му предложи на Советот на ЕУ во средата суспендирање на договорот за слободна трговија со Израел поради војната во Газа, санкции против Хамас, екстремистички израелски министри и насилни доселеници и суспендирање на билатералната поддршка за Израел, со исклучок на поддршката за граѓанското општество.