Според Мерц, ова е различно од она што било договорено во телефонскиот разговор меѓу американскиот претседател Доналд Трамп и неговиот руски колега Владимир Путин, а кој се одржа по состанокот што европските лидери и Володимир Зеленски го имаа со Трамп во Вашингтон
Предложената билатерална средба меѓу претседателите на Украина и Русија, Володимир Зеленски и Владимир Путин, јасно е дека нема да се одржи, вели германскиот канцелар Фридрих Мерц.
„Денес повторно мора да се справиме со ова прашање, со оглед на фактот дека очигледно нема да има средба меѓу претседателот Зеленски и претседателот Путин“,
рече Мерц пишува Ројтерс.
Изјавата Мерц ја даде пред неговата средба со францускиот претседател Емануел Макрон на која двајцата лидери, меѓу другото, беше најавено дека ќе разговараат и за мировните напори за ставање крај на војната на Русија против Украина. Ова доаѓа по масовниот руски ракетен и беспилотен напад врз Киев, во кој загинаа најмалку 23 лица, вклучувајќи четири деца, а беа повредени уште 63.
Според Мерц, ова е различно од она што било договорено во телефонскиот разговор меѓу американскиот претседател Доналд Трамп и неговиот руски колега Владимир Путин, а кој се одржа по состанокот што европските лидери и Володимир Зеленски го имаа со Трамп во Вашингтон.
Трамп по разговорот со Путин објави дека започнале со подготовките за состанок, на локација што ќе се одреди, а која ќе биде меѓу Путин и Зеленски.
Претходно Трамп се сретна со Путин во Алјаска на 15 август, додека американскиот лидер ги интензивира напорите за ставање крај на војната на Русија против Украина. По средбата, Трамп рече дека нема договор за ставање крај на војната, но оти е постигнат напредок.