На 9 август 1945 година американските сили ја пуштија втората атомска бомба врз Јапонија – цел беше градот Нагасаки
Околу 2 600 учесници, вклучувајќи делегации од повеќе од 90 земји, учествуваа во настанот што се одржа во Паркот на мирот во Нагасаки.
Само три дена по нападот врз Хирошима, Нагасаки беше втората мета за најразорното оружје некогаш употребено во човековата историја. Проценките се дека 70 000 луѓе загинале во експлозијата. Неколку дена подоцна, на 14 август 1945 година, Јапонија капитулираше, со што се стави крај на Втората светска војна.