Израел ги започна нападите минатиот петок со образложение дека Иран е блиску до производство на нуклеарна бомба
Клучни згради во нуклеарниот погон на Иран се оштетени во израелски напад, објави Меѓународната агенција за атомска енергија (МААЕ).
Во раните утрински часови вчера, израелски напад ги таргетираше фабриката за тешка вода и реакторот во Хондаб.
Реакторот беше погоден и оштетен, но МААЕ вчера објави дека не бил во функција во тој момент и дека не содржел никаков нуклеарен материјал.
Агенцијата додаде дека нема информации за можен удар врз соседната фабрика.
Во денешното ажурирање, МААЕ соопшти дека клучните згради во производствениот погон сепак се оштетени.
Меѓу нив, според извештаите, е и единицата за дестилација.
Израел ги започна нападите минатиот петок со образложение дека Иран е блиску до производство на нуклеарна бомба. Оневозможувањето на нуклеарната инфраструктура на Иран е главната цел на израелските напади, кои во последните денови продолжија на повеќе локации.