Израел, единствената земја на Блискиот Исток за која генерално се верува дека има нуклеарно оружје, го нападна Иран за да го спречи Техеран да развие сопствено нуклеарно оружје. Иран, кој вели дека неговата нуклеарна програма е мирна, возврати со свои напади врз Израел. Иран е страна во Договорот за неширење на нуклеарно оружје, додека Израел не е
Американскиот државен секретар Марко Рубио вчера се сретна со британскиот министер за надворешни работи Дејвид Лами и разговараше по телефон со австралискиот министер за надворешни работи и со францускиот и италијанскиот министер за надворешни работи за војната меѓу Израел и Иран.
Рубио разговараше по телефон со неговата австралиска колешка Пени Вонг и неговите француски и италијански колеги Жан-Ноел Баро и Антонио Тајани, а американскиот Стејт департмент соопшти дека Рубио и министрите за надворешни работи се согласиле дека Иран никогаш не смее да развива или да стекнува нуклеарно оружје.
Лами, исто така, овој став го сподели на социјалната мрежа Икс додавајќи дека ситуацијата на Блискиот Исток останува опасна и дека постои можност во следните две недели да се постигне дипломатско решение.
The situation in the Middle East remains perilous. We are determined that Iran must never have a nuclear weapon. Meeting with @SecRubio and @SteveWitkoff in the White House today, we discussed how a deal could avoid a deepening conflict. A window now exists within the next two… pic.twitter.com/UKAOsnDAm8
— David Lammy (@DavidLammy) June 19, 2025
Воздушната војна меѓу Иран и Израел, која започна на 13 јуни, кога Израел го нападна Иран, предизвика тревога во регионот кој веќе беше во очај од почетокот на израелската воена офанзива врз Газа во октомври 2023 година.
Белата куќа: Трамп за две недели ќе одлучи дали да влезе во војна
Претседателот Доналд Трамп за две недели ќе одлучи дали да влезе во војна, соопшти вчера Белата куќа. Трамп го држи светот во неизвесност околу своите планови, почнувајќи од предлагање брзо дипломатско решение до сугестии дека Вашингтон би можел да се приклучи во борбата на страната на Израел.
Израел, единствената земја на Блискиот Исток за која генерално се верува дека има нуклеарно оружје, го нападна Иран за да го спречи Техеран да развие сопствено нуклеарно оружје. Иран, кој вели дека неговата нуклеарна програма е мирна, возврати со свои напади врз Израел. Иран е страна во Договорот за неширење нуклеарно оружје, додека Израел не е.
Во израелските воздушни напади во Иран загинаа 639 лица, објави новинската агенција Активисти за човекови права. Израел вели дека најмалку дваесетина израелски цивили биле убиени во иранските напади.
Министрите за надворешни работи на Велика Британија, Франција, Германија и Европската Унија треба да се сретнат со министерот за надворешни работи на Иран денеска во Женева за да се обидат да го деескалираат конфликтот.