Спасувачките служби со кучиња трагачи и тешка градежна опрема ги пребаруваат урнатините со цел да пронајдат повеќе преживеани, еден ден по нападот кој е еден од најголемите во Киев во последните години
Украинските служби за итни случаи сè уште извлекуваат тела од под урнатините на уништените станбени згради во Киев кои беа вчера беа погодени од руските ракетни и беспилотни летала. Според Службата за итни случаи на Украина, бројот на жртви во украинската престолнина сега се искачи на 24.
Спасувачките служби со кучиња трагачи и тешка градежна опрема ги пребаруваат урнатините со цел да пронајдат повеќе преживеани, еден ден по нападот кој е еден од најголемите во Киев во последните години.
Украинските власти прогласија ден на жалост за жртвите од нападот, кој украинскиот претседател Володимир Зеленски го нарече чист тероризам и го обвини рускиот лидер Владимир Путин.
„Целиот свет, САД и Европа конечно мора да реагираат како што цивилизираното општество реагира на терористите. Путин го прави ова единствено затоа што може да си дозволи да ја продолжи војната“,
рече Зеленски.
Русија лансира уште еден бран беспилотни летала врз украински цели рано утринава, иако беше многу помал и помалку смртоносен од вчерашниот напад во кој беа вклучени и крстосувачки и балистички ракети.