Израелската авиокомпанија „Ел Ал“, која објави прекин на сите летови во петокот, денеска соопшти дека се подготвува за летови за спасување почнувајќи од среда
Израел се подготвува со воздушен и поморски транспорт да ги врати дома своите граѓани кои се заглавени во странство по нападот врз Иран во петокот и затворањето на неговиот воздушен простор, објави министерката за транспорт.
„Првиот чекор беше да се испратат сите израелски авиони во странство. Тој чекор е завршен. Следниот чекор е постепено враќање на Израелците. Има помеѓу 100 000 и 150 000 Израелци во странство“,
рече Мири Регев за време на посетата на местото на иранскиот напад во центарот на земјата, додавајќи дека нејзината канцеларија отворила „морска рута“ од Кипар и Грција.
Израелската авиокомпанија „Ел Ал“, која објави прекин на сите летови во петокот, денеска соопшти дека се подготвува за летови за спасување почнувајќи од среда. Авионите на „Ел Ал“ ќе полетаат од Ларнака на Кипар, Атина, Рим и Милано во Италија и Париз, објасни таа.
Израелскиот нискобуџетен превозник „Аркија“ исто така најави специјални летови почнувајќи од среда за враќање на Израелците дома.
Авионите на „Аркија“ ќе полетуваат од Кипар, Грција и Црна Гора, се вели во соопштението за медиумите.