„Ваквите напади имаат сериозни импликации врз нуклеарната безбедност, сигурноста и заштитните мерки, како и за регионалниот и меѓународниот мир и безбедност“, порача шефот на МААЕ, Рафаел Гроси, откако рано утринава израелската војска изврши серија напади врз нуклеарни постројки и воени објекти во Иран
Нуклеарните постројки никогаш не смеат да бидат нападнати, без оглед на контекстот или околностите, порача Рафаел Гроси, шеф на Меѓународна агенција за атомска енергија (МААЕ), откако рано утринава израелската војска изврши серија напади врз нуклеарни постројки и воени објекти во Иран.
Израелските напади врз иранските нуклеарни постројки Гроси ги нарече длабоко загрижувачки.
„Ваквите напади имаат сериозни импликации врз нуклеарната безбедност, сигурноста и заштитните мерки, како и за регионалниот и меѓународниот мир и безбедност“,
рече Гроси.
Шефот на МААЕ ги повика сите страни да покажат максимална воздржаност за да избегнат понатамошна ескалација, додавајќи дека секоја воена акција што ја загрозува безбедноста на нуклеарните постројки ризикува сериозни последици за народот на Иран, регионот и пошироко.
Рече дека и покрај воените дејствија и зголемените тензии, единствено одржливо решение за Иран, Израел, целиот регион и меѓународната заедница е да се обезбеди мир и стабилност по пат на дијалог и дипломатија.
Меѓународната агенција за атомска енергија (МААЕ) претходно соопшти дека внимателно ја следи ситуацијата по израелскиот напад на нуклеарни постројки во Иран.