Малопродажните цени на бензините еуросупер БС-95 и еуросупер БС-98 остануваат исти
Од полноќ за еден денар поскапуваат Еуродизел (Д-Е V), екстра лесното масло за домаќинство на (ЕЛ-1), како и мазутот М-1 НС за 0,624 денари, соопшти Регулаторната комисија за енергетика (РКЕ).
Малопродажните цени на бензините Еуросупер БС-95 и Еуросупер БС-98 остануваат исти.
Со тоа, цената на мазутот ќе биде 38,486 денари за килограм.
Бензинот еуросупер БС-95 ќе чини 74,50 денари за литар, еуросупер БС-98 ќе изнесува 76,50, еуродизел БС (Д-Е V) 66 денари, екстра лесно 1 (ЕЛ-1) 68,50 и мазутот 38,486 денари за килограм.
Со одлуката на РКЕ се врши зголемување на малопродажните цени на нафтените деривати во просек за 0,93 отсто во однос на одлуката од 2.6.2025 година.