На денешните преговири се разговарало и за потенцијална средба меѓу украинскиот претседател Володимир Зеленски и рускиот претседател Владимир Путин, што би можела да се случи кон крајот на месецот
Втората рунда директни преговори меѓу руската и украинската делегација започна денеска околу 14 часот во палатата „Чигаран“ во Истанбул, a заврши за нешто повеќе од еден час, пренесува Ројтерс.
Според неофицијални извори од Истанбул, се очекува во рок од една недела, Киев да го проучи меморандумот за решавање на конфликтот што го презентираше Москва и да одлучи за идните чекори.
Министерот за одбрана на Украина, Рустем Умеров, кој ја предводи украинската делегација, изјави дека страните се согласиле за размена на затвореници, која ќе биде фокусирана на тешко ранетите и на младите луѓе под 25 години.
Умеров од Истанбул рече и дека како дел од размената, ќе бидат вратени и посмртните останки на загинатите војници.
Според него, на средбата се разговарало и за потенцијална средба меѓу украинскиот претседател Володимир Зеленски и рускиот претседател Владимир Путин, на која евентуално би можел да учествува и американскиот претседател Доналд Трамп, а која би можело да се случи на крајот на месецот.
Според неофицијални извори, Киев наводно предложил средбата меѓу Путин и Зеленски да се одржи помеѓу 20 и 30 јуни.
По завршувањето на средбата се огласи и украинскиот претседател Володимир Зеленски, кој наведе дека се подготвува нова размена на воени заробеници.
⚡️A meeting of the delegations of Ukraine and Russia in the presence of the Turkish side has begun in Istanbul after an hour and a half delay.
— 🇬🇧 Richard 🇺🇦 (@UKRRichard) June 2, 2025
The Turkish Foreign Minister said that Ukraine and Russia will discuss the terms of a ceasefire and the exchange of prisoners and… pic.twitter.com/owcxe94v6s
Руската и украинската делегација денеска се состанаа за да ги презентираат своите предлози за тоа како треба да изгледа целосен прекин на огнот и долгорочен пат кон мир, под притисок од американскиот претседател Доналд Трамп, кој рече дека САД би можеле да се повлечат од улогата на медијатор доколку не се постигне напредок, пишува британски „Гардијан“.