Откако полицијата направи увид на незгодата, сообраќајот е нормализиран
Камион марка „рено“ со скопски регистарски таблички се преврте на автопатот Гостивар-Тетово, на еден километар после наплатната станица Гостивар, информираат од Секторот за внатрешни работи (СВР) Тетово.
Како што информираа портпаролот на СВР Тетово, Фатмир Реџепи, незгодата се случила денеска околу 10 и 15 часот, кога камион се превртел на автопатот Гостивар-Тетово.
„Товарно возило ‘рено‘ со скопски регистарски таблички управувано од Ф.Џ. (23) од гостиварско Калишта, се преевртело на патот. Во незгодата, возачот се здобил со полесни телесни повреди“,
изјави тој.
Поради незгодата, сообраќајот на тој дел од автопатот беше прекинат и се одвиваше по околните патишта.
Откако полицијата направи увид на незгодата, сообраќајот е нормализиран.