Зборувајќи конкретно за Крим, Трамп рече дека територијата била „предадена“ додека Барак Обама бил претседател
Американскиот претседател Доналд Трамп го коментираше прашањето за Крим откако се појави информација дека неговиот мировен план вклучува признавање на руската контрола врз територијата од страна на САД.
Тој рече дека Украина „изгубила многу територија“ за време на војната, додавајќи:
„Ќе направиме сѐ што можеме работејќи со Украина“.
Зборувајќи конкретно за Крим, Трамп рече дека територијата била „предадена“ додека Барак Обама бил претседател.
„Тоа нема никаква врска со мене“,
рече Трамп.
Сепак, тој додаде дека ќе биде „многу тешко“ за Украина да го врати Крим.
Американскиот претседател потоа нагласи дека не е лојален никому, туку дека е лојален кон спасувањето животи.
„Мислам дека ќе постигнеме договор. Мислам дека сме многу блиску до договор“,
рече тој.
Наводниот американски план за завршување на војната би вклучувал признавање на Крим како дел од Русија, што украинскиот претседател Володимир Зеленски категорично го отфрли.
Крим е под контрола на Москва од 2014 година.