Битиќи во изјава за ora24.tv потврдил дека имало кражба во неговиот дом
За време на продолжениот викенд, крадци упаднале во домот на поранешниот потпретседател на СДСМ и актуелен пратеник Фатмир Битиќи, објавија медиуми на албански јазик.
Битиќи во изјава за ora24.tv потврдил дека имало кражба во неговиот дом.
„Да… Не би зборувал за детали“,
изјавил кратко Битиќи.
Повикувајќи е на свои извори, ora24.tv објавува дека од домот на Битиќи бил украден метален сеф, во кој наводно имало златни предмети и часовници во вредност од 3 100 000 денари (50 000 евра).
Од МВР потврдија дека се случила кражба, но не прецизираа што било украдено.
„На 21.04.2025 во 11.40 часот во СВР Скопје, Ф.Б.(49) од Скопје пријавил дека во периодот од 7.30 часот на 18.4.2025 до 03.00 часот на 21.4.2025, со употреба на сила и погоден алат, било влезено во неговиот дом на подрачјето на Бутел во Скопје и биле одземени пари и други предмети“,
соопштија од МВР и додадоа дека се преземаат мерки за расчистување на случајот.