Новото издание на емисијата „360 степени”, во кое гостува потпретседателот на ДУИ и поранешен министер и пратеник Арбер Адеми, се емитува вечерва (7 април 2025 г.) од 20:15 часот на МРТ 1
Потпретседателот на Демократската унија за интеграција (ДУИ), Арбер Адеми, кој гостува во новото издание на емисијата „360 степени“ на МРТ 1, го прашуваме што мислат во неговата партија за критиките што Арбен Таравари ги кажа за функционирањето на ВЛЕН во Владата, кој од ДУИ комуницира со Арбен Таравари, имало ли средба Ахмети-Таравари, има ли понуда од ДУИ до Таравари за заеднички настап на локалните избори, дали тоа е пократкиот пат до предвремени парламентарни избори за што се залага ДУИ. Во интервјуто, Адеми одговара и на прашањето – дали ДУИ ќе учествува на локалните избори (по најавите за бојкот и нивно попречување) ако во исто време нема и парламентарни. Тема се и оценките на Али Ахмети дека состојбата со Албанците е вратена како пред 2001 година. Потпретседателот на ДУИ го прашуваме и зошто сметаат дека истрагата за Кочани е политички мотивирана и во каква состојба е ексминистерот Крешник Бектеши кому му е одреден притвор.
Емисијата се емитува од 20:15 часот на МРТ 1.