Украинскиот претседател објави дека се работи за напад со балистичка ракета и ја обвини Русија дека со секојдневните напади докажува дека не сака прекин на огнот
Најмалку 14 лица од кои шест деца загинаа во руски ракетен напад на станбена област во градот Криви Рих во централна Украина, објави украинскиот претседател Володимир Зеленски. Според информациите објавени од Итната помош, повредени се најмалку 50 лица, а повеќе од 30 вклучително и тримесечно бебе се хоспитализирани.
„Нападот врз родниот град на украинскиот претседател Зеленски, кој е еден од најсмртоносните руски напади оваа година, е во време кога американскиот претседател Доналд Трамп се обидува да стави крај на војната. Во нападот се оштетени станбени блокови и предизвикани се пожари“,
напиша гувернерот на Криви Рог, Сергеј Лисак, на Телеграм.
Украинскиот претседател објави дека се работи за напад со балистичка ракета и ја обвини Русија дека со секојдневните напади на украинска територија докажува дека не сака прекин на огнот.
„Целиот свет го гледа тоа. Секој проектил, секој напад со дрон докажува дека Русија бара само војна. Руски напади се случуваат секој ден. Луѓето умираат секој ден. Има само една причина зошто ова продолжува – Русија не сака прекин на огнот, а ние сме сведоци на тоа“,
вели Зеленски.
Украинскиот претседател додаде дека САД, Европа и остатокот од светот имаат капацитет да ја принудат Русија да се откаже од теророт и војната со цел да се обезбеди траен мир.