Директорката Гиновска, заедно со Владата предводена од Христијан Мицкоски треба да одговорат како ќе ги обештетат сите земјоделци кои по течението на реките Тораница, Крива Река, Пчиња и Вардар ги користат овие води за наводнување на земјоделското земјшите, додадоа од СДСМ
Скандалозно е што директорката на Државниот инспекторат за животна средина денеска застана во заштита на предизвикувачите на еколошка катастрофа, наместо да застане во одбрана на животот и здравјето на граѓаните што е нејзина должност соогласно Устав и Закон, реагираат од СДСМ по денешната прес-конференција на Ирена Гиновска која информираше дека во Крива Река немало цијанид.
„Ивана Гиновска денеска покажа застрашувачка неинформираност и непознавање од областа на заштитата на животната средина, но и основни познавања од областа на математиката. Имено, директорката тврдеше дека концентрацијата цијанид во Крива Река е само два пати над дозволеното. Разликата помеѓу 0.001 микрограми по литар колку што е дозволеното ниво на цијанид и количеството од 0.014 микрограми по литар колку што е регистрирано е разлика од 14 пати, а не два како што тврдеше директорката. Дополнително, таа тврдеше дека некој шпекулирал со количество на олово. Количеството на олово во реката е зголемено за 10 пати од дозволено ниво од 10 микрограми по литар, моменталната состојба во Крива река кога е тестирана водата количеството е од 100 микгрограми по литар. Во моментов водата на Крива Река е петта класа, според концентрациите на олово, многу загадена и не смее да се употребува за ништо“,
соопштија од СДСМ.
Директорката Гиновска, заедно со Владата предводена од Христијан Мицкоски треба да одговорат како ќе ги обештетат сите земјоделци кои по течението на реките Тораница, Крива Река, Пчиња и Вардар ги користат овие води за наводнување на земјоделското земјшите, додадоа од СДСМ.