Одговорот на Кина доаѓа во време кога меѓународните финансиски институции предупредуваат на можноста од рецесија и раст на глобалната економска несигурност поради сè поострите царински конфликти меѓу големите економски сили
Трговскиот конфликт меѓу Кина и САД дополнително ескалира. Кина најави дека почнувајќи од 10 април, ќе воведе царина од 34 отсто за целиот увоз од САД. Покрај тоа, таа иницираше официјална постапка против Вашингтон пред Светската трговска организација (СТО).
Американскиот претседател Доналд Трамп претходно објави вкупни царини од 54 отсто за кинескиот извоз, вклучително и веќе воспоставените мерки, што предизвика остра реакција од Пекинг.
„Кинеското Министерство за финансии одлучи да воведе царини бидејќи американските мерки не се во согласност со меѓународните трговски правила“,
соопштија од Пекинг.
Кина потоа дополнително го засили својот одговор – портпаролот на Министерството за трговија изјави дека САД сериозно ги прекршиле правилата на СТО, ги прекршиле правата и интересите на членките на СТО и го дестабилизирале глобалниот трговски систем.
„Ова е класичен пример на еднострано вознемирување што ја загрозува стабилноста на светскиот економски поредок. Кина е цврсто против тоа“,
рече тој.
Одговорот на Кина доаѓа во време кога меѓународните финансиски институции предупредуваат на можноста од рецесија и раст на глобалната економска несигурност поради се поострите царински конфликти меѓу големите економски сили.