Погодено од нападот, како што информира украинскиот претседател, е засолниште кое го штити светот од радијација во уништениот четврти реактор на нуклеарната централа
Украинскиот претседател Володимир Зеленски објави дека руски дрон со експлозивна боева глава во текот на ноќата удрил во засолниште кое го штити светот од радијација во уништениот четврти реактор на нуклеарната централа Чернобил. На својот профил на Икс, Зеленски објави и видеоснимка од моментот на нападот.
„Ова засолниште го изгради Украина заедно со другите европски земји и Америка – со сите оние кои се посветени на вистинската безбедност на човештвото. Единствената земја во светот која напаѓа такви објекти, окупира нуклеарни централи и води војна без никакво внимание на последиците е денешна Русија. Ова е терористичка закана за целиот свет“,
пишува Зеленски во објавата на својот профил на Икс.
Додаде дека според првичните проценки, засолништето е значително оштетено во нападот. Пожарот настанат по експлозијата е изгаснат. Нивото на радијација, пак, како што посочи, засега не е зголемено и постојано се следи.
Украинскиот претседател обвини дека Русија секоја вечер врши слични напади врз украинската инфраструктура.
„Ова значи дека Путин дефинитивно не се подготвува за преговори – тој се подготвува да продолжи да го мами светот. Затоа, потребен е заеднички притисок од сите што го ценат животот – притисок врз агресорот. Русија мора да одговара за своите постапки“,
заклучи Зеленски.
Last night, a Russian attack drone with a high-explosive warhead struck the shelter protecting the world from radiation at the destroyed 4th power unit of the Chornobyl Nuclear Power Plant.
— Volodymyr Zelenskyy / Володимир Зеленський (@ZelenskyyUa) February 14, 2025
This shelter was built by Ukraine together with other countries of Europe and the world,… pic.twitter.com/mLTGeDYgPT