Отстранет е дефектот во Општина Центар, се нормализира испораката на парно греење – велат од „ЕСМ дистрибуција“

„Санирањето на дефектот беше сложено, а се работеше помеѓу булеварот ‘Кочо Рацин’, на потегот меѓу ‘Веро Центар’ и Олимписки базен“, се вели во соопштението од „ЕСМ дистрибуција“

Завршени се сите предвидени активности за санирање и отстранување на дефектот на магистралниот вод А во Општина Центар, со што се нормализира испораката на парно греење до домовите на жителите од оваа општина, информираат од „ЕСМ дистрибуција“.

„Санирањето на дефектот беше сложено, а се работеше помеѓу булеварот ‘Кочо Рацин’, на потегот меѓу ‘Веро Центар’ и Олимписки базен“,

се вели во соопштението од „ЕСМ дистрибуција“.

Во тек се активности на полнење на топловодите, со што испораката на топлинската енергија до потрошувачите кои се снабдуваат од тој магистрален вод се нормализира.

„Испораката на топлинска енергија се обезбедува стабилно и непрекинато за сите потрошувачи во Општина Центар“,

соопштија од ЕСМ.

Ако им се потребни дополнителни информации, потрошувачите можат да се јават во Центарот за грижа за потрошувачи на телефонските броеви (02) 3076 200 и 075 400 100.

Дел од Скопје од утрово е без парно – училиштата ја прекинаа наставата, апелираат до родителите да си ги земат децата

Голем дел од жителите на Скопје вчера останаа без парно греење. Парно немаа жителите во општините Аеродром, Кисела Вода, Карпош и Центар.

Но, млаки им беа радијаторите и на жителите во другите делови од главниот град.

На социјалните мрежи граѓаните на Скопје се жалеа дека радијаторите им се ладни и дека се принудени да ги вклучуваат клима-уредите за да ги затоплат своите домови.