„За нерегистрираната кујна е изречена прекршочна санкција и наредено е итно регистрирање. За недостатоците во четирите училишта, пак, се издадени решенија со мерки за нивно отстранување“, се вели во соопштението од Агенцијата за храна и ветеринарство
Неозначена и неселектирана храна, како и оштетени работни површини е забележано во кујните на четири училишта, а една кујна е нерегистрирана, утврдиле инспекциските служби на Аленцијата за храна и ветеринарство (АХВ) при вонредните надзори во 36 училишни кујни во основни и специјални училишта на територијата на Скопје.
„За нерегистрираната кујна е изречена прекршочна санкција и наредено е итно регистрирање. За недостатоците во четирите училишта, пак, се издадени решенија со мерки за нивно отстранување“,
се вели во соопштението на АХВ.
Од АХВ информираат дека продолжува спроведувањето вонредни инспекциски контроли кај операторите со храна на територијата на цела држава, со акцент на кујните во училиштата, како и онаму каде се згрижуваат граѓани од ранливите категории, со цел да се подобри нивната хигиена и стандардите.